وفاقی حکومت کی رائٹ سائزنگ پالیسی کے تحت پاکستان پوسٹ میں گریڈ ایک تا 15 کی مزید 1511 آسامیاں ختم کر دی گئیں۔
پاکستان پوسٹ کے ہیڈکوارٹر سے جاری کردہ سرکلر کے مطابق اس سے قبل بھی 2000 آسامیاں ختم کی جا چکی تھیں، جس کے بعد مجموعی طور پر 3616 آسامیاں ختم ہو چکی ہیں۔
ذرائع کے مطابق ختم کی جانے والی تمام آسامیاں خالی تھیں۔ ان میں سب سے بڑی تعداد پوسٹ مین اسکیل 7 کی 500، میل پیون/پورٹرز اسکیل 2 کی 458 اور پوسٹل کلرکس اسکیل 9 کی 274 پوسٹیں شامل ہیں۔
اس کے علاوہ گریڈ 14 کی 9، گریڈ 11 کی 4، گریڈ 9 کی 29 اور ٹائم اسکیل کلرک کی 30 آسامیاں بھی ختم کی گئی ہیں۔
حکومت کی رائٹ سائزنگ پالیسی کا مقصد سرکاری اداروں کی کارکردگی کو بہتر بنانا اور مالی وسائل کی بچت کرنا ہے۔
By 
