بھارتی میڈیا کے مطابق بھارتی کرکٹ ٹیم نے چیمپئنز ٹرافی کھیلنے کیلئے پاکستان آنے سے انکار کر دیا۔
تفصیلات کے مطابق بھارتی کرکٹ ٹیم چیمپئنز ٹرافی کے میچز کسی نیوٹرل وینیو جیسے دبئی میں کھیلنے کو تیا رہے۔ بی سی سی آئی نے سیکیورٹی وجوہات کی بنا کر پاکستان آنے سے انکار کیا ہے۔
اس حوالے سے چئیرمین پاکستان کرکٹ بورڈ محسن نقوی کا کہنا ہے کہ بھارتی کرکٹ بورڈ نے چیمپئنز ٹرافی کیلئے پاکستان نہ آنے سے متعلق ابھی تک باضابطہ طور پر کچھ نہیں بتایا۔ بھارتی میڈیا دو ماہ سے پاکستان نہ آنے کی خبریں چلا رہا ہے۔ اگر کوئی ایسی چیز آتی ہے تو اپنی حکومت سے بات کروں گا۔ حکومت جو فیصلہ کرے گی مجھے بھی اس پر عمل کرنا پڑے گا۔
محسن نقوی کا مزید کہنا تھا کہ ہمیں کرکٹ کو سیاست سے دور رکھنا چاہئے۔ کوئی بھی ملک ہو کھیل میں سیاست نہیں ہونی چاہئے۔ ہم نے ہر بار اچھا رویہ اپنایا، اب کسی اچھے کی توقع نہ رکھیں۔ بھارت نہیں آتا تو لکھ کر دے۔ میں آج بھی چاہتا ہوں کہ کرکٹ کو سیاست سے دور رکھا جائے۔
واضح رہے کہ چیمپئنز ٹرافی کے میچز 19 فروری سے 9 مارچ تک لاہور، کراچی، راولپنڈی کے گرائونڈز میں کھیلے جائیں گے۔
By 
