ٹیکس اصلاحات ناگزیر، ملک خیرات پر نہیں ٹیکسز پر چلتے ہیں: وزیر خزانہ محمد اورنگزیب

وزیر خزانہ محمد اورنگزیب نے ملک میں ٹیکس اصلاحات کو ناگزیر قرار دیتے ہوئے کہا کہ ملک خیرات سے نہیں بلکہ ٹیکسز سے چلتے ہیں اور ٹیکسز کے حوالے سے ہر شہری کو اپنا حصہ ڈالنا ہوگا۔

لٹریچر فیسٹیول سے خطاب کرتے ہوئے وزیر خزانہ محمد اورنگزیب نے ملک میں ٹیکس اصلاحات کی اہمیت کو اجاگر کرتے ہوئے کہا کہ حکومت کا کام صرف پالیسی دینا ہے، کاروبار چلانا صرف نجی شعبے کا کام ہے۔ انہوں نے کہا کہ ملک عطیات سے نہیں چلتے ٹیکسوں پر چلتے ہیں، ہر کسی کو ٹیکس دینا ہو گا، حکومتی ملکیتی اداروں کی کئی سال پہلے نجکاری ہونی چاہیے تھی۔

وزیر خزانہ نے کہا کہ  ڈیپازٹ اور رول اوورکرنے کیلئےاب کوئی تیار نہیں ہے،چین، سعودی عرب اور یواےای سمیت دوست ممالک سے سرمایہ کاری کیلئے کوشاں ہیں،چین کے ساتھ سی پیک فیزون انفرااسٹرکچرکی تعمیرکیلئےتھاسی پیک کا فیز ٹو بزنس ٹو بزنس ہے۔

محمد اورنگزیب کا کہنا تھا کہ کاروباری طبقہ کو ذرا حوصلہ کرنا چاہیے، ملک میں میکرو اکنامک استحکام آچکا ہے،گزشتہ 12سے14ماہ میں بہت بہتری آئی ہے، آئی ایم ایف کےساتھ قرض معاہدےمیں کوئی چیز خفیہ نہیں ہے۔

وفاقی وزیرخزانہ نے کہا کہ کرنسی مستحکم اورزرمبادلہ ذخائرمیں استحکام آیا ہے،مارچ جون تک زرمبادلہ ذخائر3ماہ کی درآمدات کےمساوی ہوجائیں گے، ملک میں مہنگائی میں کمی آئی ہے،اس کا فائدہ عام آدمی کو پہنچنا چاہیے۔

وفاقی وزیرخزانہ نے کہا کہ ایف بی آرکی بطورادارہ ساکھ اور اعتماد بحال کرنی ہے،اینڈ ٹواینڈ ڈیجیٹائزیشن کیلئے ٹیکنالوجی پر توجہ ہے، ٹیکنالوجی صرف ایک حصہ ہے، بطورتنخواہ دار میں بھی بغیر ایڈوائزر کے ٹیکس ریٹرن فائل نہیں کرسکتا، ڈیجیٹائزیشن میں آگے بڑھ رہے ہیں،لیکج بند کریں گے،ری فنڈزمیں رشوت اورکرپشن والا کام بند کرنا ہوگا۔

محمداورنگزیب نے کہا کہ وزیراعظم براہ راست بیرونی سرمایہ کاری کیلئےبہت واضح ہیں،اب سب کچھ بی ٹو بی سطح پر ہوگا، حکومت کاکام کاروبارکرنا نہیں،نجی شعبےکوآگےآناچاہیے،پی آئی اے کی نجکاری کا معاملہ اتنا آسان نہیں ہے،ورنہ 10سال پہلے یہ کام ہو چکا ہوتا،سرکاری اداروں کی نجکاری کےکئی طریقے ہیں،آؤٹ سورسنگ اور پبلک پرائیویٹ پارٹنرشپ بھی ایک طریقہ ہے۔