آسٹریلوی کھلاڑی کوپر کونولی پاکستان کیخلاف ٹی ٹونٹی سیریز سے باہر

پاکستان کے خلاف تیسرے ون ڈے میں انجری کا شکار ہونے والے آسٹریلوی کھلاڑی کوپر کونولی ٹی ٹوئنٹی سیریز سے باہر ہو گئے۔

آسٹریلوی ٹیم کے کھلاڑی کوپر کونولی بائیں ہاتھ کی چوتھی انگلی میں فریکچر کے باعث پاکستان کے خلاف ٹی ٹوئنٹی سیریز میں شرکت نہیں کر سکیں گے۔

مزید پڑھیں: آسٹریلیا کیخلاف جیت کا سارا کریڈٹ فاسٹ بالرز کو جاتا ہے، کپتان محمد رضوان

پرتھ میں کھیلے گئے تیسرے اور آخری ون ڈے میچ میں کوپر کونولی کو فاسٹ بولر محمد حسنین کی گیند لگنے سے ہاتھ میں چوٹ آئی تھی۔کونولی کل پرتھ میں ماہر ڈاکٹر سے مشورہ کریں گے۔

کرکٹ آسٹریلیا کی جانب سے کوپر کونولی کی جگہ متبادل کھلاڑی کا اعلان جلد متوقع ہے۔واضح رہے کہ تیسرے ون ڈے میں کوپر کونولی 7 رنز پر ریٹائرڈ ہرٹ ہوگئے تھے۔

پاکستان اور آسٹریلیا کے درمیان تین میچز پر مشتمل ٹی ٹوئنٹی سیریز کا آغاز 14 نومبر سے ہو رہا ہے، جبکہ دوسرا میچ 16 اور تیسرا میچ 18 نومبر کو کھیلا جائے گا۔