تعلیم کیلئے برطانیہ جانے والے پاکستانی طلبا کے لئے بڑی خبر آگئی، برطانوی حکومت نے اہم فیصلہ کرلیا۔
تفصیلات کے مطابق برطانوی حکومت نے یونیورسٹی کی ٹیوشن فیس بڑھانے کا فیصلہ کر لیا، سیکریٹری ایجوکیشن بریجٹ فلپسن کا کہنا ہے ٹیوشن فیس میں اپریل 2025 سے مہنگائی کے حساب سے اضافہ کیا جائے گا۔
ٹیوشن فیس 295 پاؤنڈ اضافے کے ساتھ نو ہزار پانچ سے پینتیس پاؤنڈ ہوجائے گی، یونیورسٹی آف لیڈز کے طلبا کا کہنا ہے فیصلے سے غریب اسٹودنٹس متاثر ہوں گے۔
یاد رہے گذشتہ ہفتے برطانوی وزارت داخلہ نے فیصلہ کیا تھا کہ تارکین وطن کے خلاف گھیرا مزید تنگ کیا جائے گا۔
بین الاقوامی خبر رساں ادارے کی رپورٹ کے مطابق برطانیہ میں پاسپورٹ پھینک کر ملک بدری سے بچنے کی کوشش کرنے والوں کے خلاف سخت ایکشن لیا جائے گا، برطانیہ کے وزیر داخلہ کے مطابق حکومت پناہ کی درخواستوں کے لیے ”فاسٹ ٹریک“ نظام بنانے کی کوشش کررہی ہے۔
By 
