اسلام آباد سمیت ملک کے کئی شہروں میں زلزلے کے جھٹکے

وفاقی دارالحکومت اسلام آباد سمیت ملک کے کئی شہروں میں زلزلے کے جھٹکے محسوس کیے گئے۔

تفصیلات کے مطابق وفاقی دارالحکومت اسلام آباد، ہری پور، ایبٹ آباد، مانسہرہ، دیر لوئر، پشاور، نوشہرہ، چارسدہ، سوات، شانگلہ، مردان، ہنگو، چترال، مردان، صوابی، اٹک، مہمند، بٹگرام، مینگورہ، تیراہ، خیبر، لنڈی کوتل، بونیر، شبقدر اور مالاکنڈ سمیت کئی شہروں میں زلزلے کے جھٹکے محسوس کیے گئے۔

مزید پڑھیں: موٹروے ایم 2 لاہورسے کوٹ مومن،لاہور سے درخانہ اور سیالکوٹ تک دھند کی وجہ سے بند کردیا

زلزلہ پیما مرکز کے مطابق زلزلے کی شدت 5 عشاریہ 3 ریکارڈ کی گئی جبکہ گہرائی 220 کلومیٹر زیر زمین تھی۔ زلزلے کا مرکز ہندوکش ریجن افغانستان بتایا جارہا ہے۔ لوگ کلمہ طیبہ کا ورد کرتے گھروں، دکانوں اور دفاتر سے باہر نکل آئے۔

زلزلے سے کسی جانی یا مالی نقصان کی اطلاع موصول نہیں ہوئی۔