عمران خان کی رہائی کی کوششوں میں میرا کوئی کردار نہیں، مولانا فضل الرحمٰن

جے یو آئی سربراہ مولانا فضل الرحمٰن نے واضح کیا ہے کہ عمران خان کی رہائی کی کوششوں میں میرا کوئی کردار نہیں ہے۔

تفصیلات کے مطابق لندن میں میڈیا سے گفتگو کرتے ہوئے مولانا فضل الرحمٰن کا کہنا ہے کہ کسی سیاستدان کو قید کرنے کے حق میں نہیں تاہم عمران خان کی رہائی کی کوششوں میں میرا کوئی کردار نہیں ہے۔

انہوں نے وزیر دفاع خواجہ آصف کیساتھ لندن میں پیش آئے واقعے کی مذمت کرتے ہوئے کہا کہ برطانیہ کی ذمہ داری ہے کہ خواجہ آصف کے معاملے میں قانو ن کے مطابق کارروائی کرے۔

مزید پڑھیں: عمران خان اپنی رہائی کیلئے کارکنوں کو سیاسی ایندھن بنا رہے ہیں، شیری رحمان

انہوں نے ایک سوال کے جواب میں کہا کہ ہم امریکا کی سیاست میں مداخلت نہ کرتے ہیں اور نہ اپنے ملک میں ان کو مداخلت کرنے کی اجازت دے سکتے ہیں۔ امریکا میں حکومت چاہے ریپبلکنز کی ہویا ڈیموکریٹس کی ، دنیا کیلئے ان کی ایک ہی پالیسی ہے۔

انہوں نے مزید کہا کہ ہمیشہ آئین اور جمہوریت پر شبِ خون مارا گیا۔ جمہوریت کی کمزوری میں خود سیاستدانوں کا بڑا کردار ہے۔ سیاستدانوں نے اپنے مفادات کیلئے جمہوریت پر سمجھوتہ کیا ۔