اسٹیبلشمنٹ ڈویژن نے سپر یم کورٹ کے فیصلے پر عمل درآ مد کرتے ہوئے دوران سروس انتقال کرنے والے سر کاری ملازمین کے بچے یا بچی یا اہلیہ کو ملازمت دینے کی سہولت وزیر اعظم پیکج سے واپس لینے کیلئے وزیر اعظم آفس کو ضروری کاروائی کی سفارش کردی ۔
وزیراعظم آفس نے اسٹیبلشمنٹ ڈویژن کو لکھے گئے مراسلے میں سپر یم کورٹ کے فیصلہ کے بارے میں وضاحت مانگی تھی ، وزیر اعظم آفس نے استفسار کیا تھا کہ کیا سپر یم کورٹ کی حالیہ ہدایت کے بعد وزیر اعظم اسسٹنس پیکج ( PMAP) واپس ہوگیا ہے ؟؟۔ روزنامہ جنگ کے مطابق اسٹیبلشمنٹ ڈویژن نے جواب دیا کہ نہیں وزیر اعظم پیکج واپس نہیں ہوا،سپریم کورٹ نے 18اکتوبر2024کے فیصلے میں خاص طور پر ہدایت کی کہ وزیر اعظم اسسٹنس پیکج سے ملازمت دینے کی شق نکال دی جا ئے۔
اسٹیبلشمنٹ ڈویژن نے وضاحت کی ہے کہ سپر یم کورٹ نے اپنے فیصلے میں وزیر اعظم اسسٹنس پیکج سے متوفی کے اہل خانہ میں سے کسی فرد کو ملازمت دینے کی شق نکالنے کی ہدایت کی ہے،سپریم کورٹ نے اپنےفیصلے میں اشتہار‘ مسا بقتی عمل اور میرٹ کے بغیر کسی متوفی یا معذور سول سرونٹس کے خاوند یا اہلیہ یا بیٹی یا بیٹے کو ملازمت دینے کے عمل کو امتیازی قرار دیا ہے۔
سپریم کورٹ نے اسے آئین کے منافی قرار دیا ہے جن کاحوالہ بھی دیاگیا ۔ اسٹیبلشمنٹ ڈویژن نے واضح کیا ہے کہ سپر یم کورٹ کے فیصلے کے بعد وزیر اعظم پیکج میں حاصل دیگر مراعات یا سہولتیں بدستور برقرار رہیں گی صرف روزگار دینے کی سہولت نہیں رہے گی۔
By 
