کیوی فاسٹ بولر ٹم ساؤتھی کا ٹیسٹ کرکٹ سے ریٹائرمنٹ کا اعلان

نیوزی لینڈ کے فاسٹ بولر ٹم ساؤتھی نے اچانک ٹیسٹ کرکٹ سے ریٹائرمنٹ کا فیصلہ کرلیا۔

تفصیلات کے مطابق اپنی ریٹائرمنٹ کے اعلان پر ٹم ساؤتھی کا کہنا تھا کہ نیوزی لینڈ کے لئے 18 سال کھیلنا میرے لئے بہت بڑا اعزاز ہے، نیوزی لینڈ کی نمائندگی کرنا شروع سے میرا خواب تھا۔

یہ بھی پڑھیں:پہلے ٹی ٹونٹی میچ میں محمد رضوان کی بڑی غلطی سامنے آگئی

کیوی فاسٹ بولر کی ریٹائرمنٹ کے اعلان پر نیوزی لینڈ کے ہیڈ کوچ گیری سٹیڈ کا کہنا تھا کہ ٹم ساؤتھی کا کیرئیر شاندار رہا ہے ریکارڈز ان کے بارے میں سب کچھ بتا رہے ہیں، انہوں نے نیوزی لینڈ کی کامیابیوںمیں اہم کردار ادا کیا ہے۔

ٹم ساؤتھی آئندہ ماہ انگلینڈ کے خلاف ہوم گراؤنڈ پر ہملٹن میں آخری ٹیسٹ میچ کھیلیں گے تاہم نیوزی لینڈ نے اگر ورلڈ ٹیسٹ چیمپئن شپ کے فائنل کے لئے کوالیفائی کیا تو بھی وہ ٹیم کو دستیاب ہو نگے۔

یہ بھی پڑھیں:چیمپئنز ٹرافی : بھارتی ٹیم کا پاکستان آنے سے انکار، ’’نیا آپشن‘‘سامنے آ گیا

ٹم ساؤتھی انگلینڈ کے خلاف ٹیسٹ سیریز کے بعد اپنے وائٹ بال کیرئیر کے حوالے سے بھی فیصلہ کریں گے۔ ٹم ساؤتھی اب تک 104 ٹیسٹ میچز میں 385 وکٹیں جب کہ 161 ون ڈے میچز میں 221 اور 126 ٹی ٹوئنٹی میچز میں 164 وکٹیں حاصل حاصل کر چکے ہیں۔یاد رہے کہ نیوزی لینڈ اور انگلینڈ کی کرکٹ ٹیموں کے درمیان تیسرا ٹیسٹ 14 دسمبر سے ہملٹن میں کھیلا جائے گا ۔