احتجاج میں لاکھوں لوگ آ گئے تو بانی پی ٹی آئی رہا ہوسکتے ہیں: شیر افضل مروت

پاکستان تحریک انصاف کے رہنما شیر افضل مروت کا کہنا ہے احتجاج میں لاکھوں لوگ آ گئے تو بانی پی ٹی آئی رہا ہو سکتے ہیں ۔

تفصیلات کے مطابق نجی ٹی وی سے گفتگو میں شیر افضل مروت کا کہنا تھاکہ آج کے احتجاج میں اب جتنے لوگ آئیں گے ان کی تعداد حیران کن ہے، ہم سے احتجاج کا حق کوئی بھی نہیں لے سکتا۔

یہ بھی پڑھیں:انتظامیہ نے خندقیں کھود دیں، مری کا خیبرپختونخوا ، آزادکشمیر سے زمینی راستہ منقطع

ہم اسلام آباد ہا ئی کورٹ کے فیصلے کو شکوک کی نگاہ سے دیکھتے ہیں۔ ان کا یہ بھی کہنا تھا کہ پہلے مرحلے میں ہمارا احتجاج اور اجتماع زیرو پوائنٹ پر ہوگا ۔ حکومت ہوش کے ناخن لے۔

یہ بھی پڑھیں:پی ٹی آئی احتجاج، جہلم پل بند ہونے سے ایمبولینس میں ہی مریض جاں بحق

وفاقی حکومت کچھ بھی کر لے ہم ڈرنے والے اور بھاگنے والے نہیں ۔ رہنما تحریک انصاف کا مزیدکہنا تھا کہ آج لاکھوں لوگ باہر آئے تو مجھے عمران خان کی رہائی یقینی نظر آرہی ہے، ہم قانون کے دائرے میں رہ کر اپنا احتجاج ریکارڈ کروائیں گے ۔