رواں ماہ نومبر میں ٹیکس اہداف کی وصولی میں بڑے شارٹ فال کا انکشاف

فیڈرل بورڈ آف ریونیو کو رواں ماہ کے لیئے متعین ٹیکس  ہدف 1003 بلین روپے کے ٹیکس وصولی کے ہدف کو پورا کرنے میں مشکلات کا سامنا ہے۔

تفصیلات کے مطابق رواں ماہ 24 نومبر تک  مقرر کیے گئے 1،003 ارب روپے ہدف کے مقابلے میں  صرف 550 ارب روپے کی ٹیکس وصولیوں کا انکشاف ہوا ہے۔ حکومت نے بارہا اعلان کیا ہے کہ رواں مالی سال کی دوسری سہ ماہی میں اضافی آمدنی پیدا کرنے کے لیے کوئی منی بجٹ متعارف نہیں کیا جائے گا۔

ایف بی آر نے روپے سے زائد کے متوقع شارٹ فال کو کم کرنے کے لیے قلیل مدتی اقدامات نافذ کیے ہیں۔ دوسری سہ ماہی (اکتوبر تا دسمبر) 2024-25 میں 230 بلین۔ فیلڈ فارمیشنز زیادہ مالیت والے افراد کو نوٹس جاری کریں گی۔ پہلے مرحلے میں ایف بی آر 5000 نان فائلرز کو نوٹس جاری کرے گا، جس پر 7 ارب روپے ٹیکس واجبات کا تخمینہ لگایا گیا ہے۔

اکتوبر 2024 کے دوران مجموعی طور پر 980 ارب روپے کے مقرر کردہ ہدف کے مقابلے میں 877 ارب روپے کی وصولی ہوئی ہے جو 103 ارب کے شارٹ فال کی نشاندہی کرتی ہے۔ اسی طرح سے مالی سال 2024 – 25کے  پہلے چار مہینوں کے دوران 3,440 بلین روپے کی ٹیکس وصولی ہو سکی ہے جو کہ مقرر کردہ ہدف 3,636 ارب روپے کے مقابلے میں 196 ارب روپے کے شارٹ فال کو ظاہر کرتا ہے۔