پی ٹی آئی کے گوشوارے جمع نہ کروانے پر بیرسٹر گوہر اور عمر ایوب کو نوٹس جاری

الیکشن کمیشن نے پی ٹی آئی کے گوشوارے جمع نہ کروانے پر بیرسٹر گوہر خان اور عمر ایوب کو نوٹس جاری کر کے طلب کر لیا۔

الیکشن کمیشن کی جانب سے جاری کردہ نوٹس کے مطابق پی ٹی آئی رہنماؤں کو 4 دسمبر کو صبح 10 بجے طلب کیا گیا ہے۔

واضح رہے کہ اس سے قبل بھی الیکشن کمیشن نے چیئرمین پی ٹی آئی اور جنرل سیکرٹری کو نوٹس جاری کیے تھے جن کے مطابق ان دونوں کو 26 نومبر کو طلب کیا گیا تھا۔

الیکشن کمیشن نے پی ٹی آئی سے مالی سال 24- 2023ء کے لیے پارٹی اکاؤنٹس کی تفصیلات طلب کی تھیں۔