سابق آرمی چیف پرویز مشرف میرے نانا نہیں : زینب رضا کی وضاحت

اداکارہ زینب رضا نے سابق صدر پرویز مشرف کے ساتھ اپنے رشتے سے متعلق افواہوں پر لب کشائی کردی۔

ماڈل و اداکارہ زینب رضا نے انٹرنیٹ پر خود سے متعلق پھیلنے والی غلط معلومات پر وضاحت کرتے ہوئے کہا ہے کہ سابق آرمی چیف اور صدر مرحوم پرویز مشرف ان کے نانا نہیں۔

زینب رضا نے حال ہی میں نجی چینل کے شو میں شرکت کی، جہاں انہوں نے مختلف معاملات پر کھل کر بات کی،  انہوں نے بتایا کہ ان کی پیدائش متحدہ عرب امارات (یو اے ای) کی ریاست دبئی میں ہوئی، انہوں نے ابتدائی تعلیم بھی وہیں حاصل وہ اپنے خاندان کی پہلی فرد ہیں ، جس نے شوبز انڈسٹری کا انتخاب کیا۔

زینب رضا کے مطابق انہوں نے کم عمری میں ماڈلنگ سے کیریئر کا آغاز کیا، جس کے بعد 20 سال کی عمر میں انہوں نے پہلی بار ڈراموں میں کام کرنا شروع کیا۔

یہ بھی پڑھیں :بشریٰ بی بی کا سیاسی کردار نہیں وہ خود ڈی چوک آئیں : بیرسٹر گوہر

اداکارہ کا کہنا تھا کہ انہوں نے تاحال زیادہ ڈراموں میں کام نہیں کیا، انہوں نے سال میں ڈراما ضرور کیا ہے۔

ان کے مطابق گوگل سمیت انٹرنیٹ پر ان سے متعلق 99 فیصد معلومات غلط ہے، وہ امریکا سے نہیں آئیں جب کہ ان کی عمر بھی 23 سال نہیں بلکہ 26 سال ہے، انہوں نے شکوہ کیا کہ وہ جب بھی والد اور والدہ کی تصاویر سوشل میڈیا پر شیئر کرتی ہیں تو لوگ کمنٹس کرتے ہیں کہ سابق آرمی چیف مرحوم پرویز مشرف کی بیٹی اور داماد جب کہ ان کی والدہ سابق صدر کی بیٹی نہیں۔

انہوں نے واضح کیا کہ مرحوم پرویز مشرف ان کے نانا نہیں، ان سے متعلق غلط معلومات پھیلانا بند کی جائیں۔