بٹ کوائن کی قیمت ایک لاکھ ڈالر سے تجاوز کر گئی

نیو یارک: بٹ کوائن کی قیمت پہلی بار ایک لاکھ ڈالر سے اوپر چلی گئی ہے۔

ایشیا کی مارکیٹ کھلنے سے پہلے بٹ کوائن کی قیمت تقریبا 96,250 ڈالر تھی لیکن پانچ دسمبر کو مارکیٹ کھلتے ہی اس میں زبردست اضافہ ہوا۔

بٹ کوائن کی قیمت میں اضافے کا سلسلہ پانچ نومبر کے بعد سے جاری ہے، جب نو منتخب صدر ڈونلڈ ٹرمپ نے کرپٹو کرنسی کے حق میں اپنی حمایت کا اعلان کیا۔

روپے کے مقابلے میں ڈالر کی قدر میں اضافہ

یاد رہے کہ ٹرمپ نے امریکہ کو دنیا کا کرپٹو دارالحکومت بنانے کا وعدہ کیا ہے۔ٹرمپ کی جیت کے بعد بٹ کوائن کی قیمت میں پچاس فیصد سے زائد اضافہ ہوا ہے۔

بٹ کوائن کی قیمت اس وقت ایک لاکھ ڈالر سے تجاوز کر گئی جب ڈونلڈ ٹرمپ نے پال ایٹکن کو سیکیورٹیز اینڈ ایکسچینج کمیشن (ایس ای سی) کا چیئرمین مقرر کرنے کا اعلان کیا۔

پال ایٹکن کرپٹو کرنسی کے حمایت یافتہ گروپ سے تعلق رکھتے ہیں اور ان کا مقصد مضبوط اور جدید سرمایہ مارکیٹوں کو فروغ دینا ہے۔