پی ٹی آئی رہنما عالیہ حمزہ کے ضامن کے خلاف کارروائی کا آغاز

انسداد دہشت گردی عدالت لاہور نے پی ٹی آئی کی رہنما عالیہ حمزہ کے ضامن کے خلاف کارروائی شروع کر دی ہے۔

تھانہ شادمان ٹاؤن میں درج جلاؤ گھیراؤ کے مقدمے میں عالیہ حمزہ کے ضامن کے خلاف یہ کارروائی کی جا رہی ہے۔ عدالت کے ایڈمن جج منظر علی گل نے عالیہ حمزہ کے ضامن کو 20 دسمبر کو پیش ہونے کا نوٹس جاری کیا ہے۔

یہ بھی پڑھیں: ہونڈا پرائیڈورموٹر سائیکل صرف 6،615روپے ماہانہ میں آسان اقساط پر حاصل کریں!

عدالت نے اس دوران یہ ریمارکس بھی دیے کہ ملزمہ عالیہ حمزہ ضمانت کرانے کے بعد پیش نہیں ہو رہیں، اور سوال اٹھایا کہ کیوں نہ ان کے ضمانتی مچلکے کی رقم دو لاکھ روپے بحق سرکار ضبط کر لی جائے۔

واضح رہے کہ ڈی ایچ اے لاہور کے رہائشی جمیل احمد نے عالیہ حمزہ کی ضمانت دی تھی۔ عدالت نے ایس ایچ او تھانہ شادمان کو ضامن کو 20 دسمبر کو پیش کرنے کا حکم دیا ہے، اور اگر وہ پیش نہیں ہوئے تو عدالت ضامن کی گرفتاری کا حکم دے سکتی ہے۔