عمران خان نے حکومت اور اپوزیشن میں ہونیوالے ممکنہ مذاکرات کو پھر دھچکا دیدیا

پاکستان تحریک انصاف (پی ٹی آئی ) کے بانی عمران خان نے حکومت اور اپوزیشن کے درمیان ہونیوالے ممکنہ مذاکرات کو ایک اور دھچکا دیدیا، انہوں نے ایک مرتبہ پھر 2 مطالبات سامنے رکھ د ئیے۔

تفصیلات کے مطابق عمران خان کی ہمشیرہ علیمہ خان نے سابق وزیر اعظم سے ملاقات کے بعد اڈیالہ جیل کے باہر میڈیا سےگفتگومیں بتانا تھا کہ ہم نے بانی پارٹی کو بتایا کہ ڈی چوک کا نیا نام شہداء چوک رکھ دیا ہے، یہ ہمیشہ رہے گا۔

یہ بھی پڑھیں:حکومت کاسکول اساتذہ کی ریٹائرمنٹ سے متعلق بڑا فیصلہ سامنے آ گیا

اتوار کا دن یوم شہداء کے لئے مقرر ہو چکا ہے، دنیا بھر میں شہداء کیلئے دعا کی جائے گی۔ ان کا کہناتھا کہ بہت شواہد آچکے، ویڈیوز بھی آئیں یہ حقائق چھپا نہیں سکتے ، شواہد سامنے آرہے ہیں ، اداروں اور ہسپتالوں سے لوگ دے رہے ہیں، آج نہیں تو کل سب کچھ ظاہر ہو جائے گا۔

یہ بھی پڑھیں: حکومت سیاسی ڈائیلاگ کیلئے سنجیدہ ہے تو سیاسی استحکام یقینی بنائے، رہنما پی ٹی آئی شوکت یوسفزئی

انہوں نے کہا کہ اتوار کو باغ ناران پشاور میں شہداء کیلئے سب جمع ہو نگے۔ ان کا کہنا تھا کہ عمران خان نے کہا ہے کہ ہمیں دیوار سے لگا دیا گیا ہے، ہمارے پاس کوئی چوائس نہیں،2ہی مطالبات ہیں کہ ڈی چوک سانحہ اور9 مئی کے واقعات کی جوڈیشل انکوائری 3سینئر موسٹ ججز سے کروائی جائے اور پی ٹی آئی کے بیگناہ کارکنان کو فوری طور پررہا کیا جائے ۔