حکومت سے نہیں اسٹیبلشمنٹ سےمذاکرات کرنا چاہتے ہیں : احمد خان بھچر

اپوزیشن لیڈر پنجاب اسمبلی و تحر یک انصاف کے رہنما ملک احمد خان بھچر نے کہا ہے کہ بااختیار لوگوں سے مذاکرات چاہتے ہیں، بااختیار حکومت نہیں بلکہ اسٹیبلشمنٹ ہے۔

تفصیلات کے مطابق سرگودھا میں میڈیا سے گفتگو کے دوران انہوں نے کہا کہ جب اسٹیبلشمنٹ کی مرضی ہو گی تب مذاکرات کریں گے ، 26 نومبر کو جو ہوا اس کے ذ مہ دار وزیراعظم میاں محمد شہباز شریف ہیں۔

یہ بھی پڑھیں:9 مئی کا جھوٹا بیانیہ، 26 نومبر کا حساب دینا ہوگا، مہر بانو قریشی

ان کا کہنا تھا کہ 24 سے 26 نومبر تک جو کچھ ہوا اس کی ذمہ دار حکومت پنجاب ہے ۔ ملک احمد بھچر نے مزید کہا کہ کنفرم فیگر تب تک نہیں بتا سکتے جب تک زخمیوں، جاں بحق ہونیوالوں کی تصدیق نہ کر لیں، ہمارے 100 کارکن لاپتہ ہیں۔

یہ بھی پڑھیں:مسلم لیگ ن کسی صورت مذاکرات نہیں چاہتی: شوکت یوسفزئی