پاکستان اور بھارت کےکرکٹ بورڈز کے درمیان آئی سی سی چیمپئنز ٹرافی 2025 پر تمام معاملات طے پا گئے ہیں۔
تفصیلات کے مطابق نجی ٹی وی چینل نے اپنی رپورٹ میں بتایا ہے کہ دونوں بورڈز میں انڈر اسٹینڈنگ ہوگئی ہے اور چیمپئنز ٹرافی کے معاملے پر اب کسی قسم کی کوئی پیچیدگی نہیں رہی۔
چیمپئنز ٹرافی کے معاملات پر معاہدوں کا کام حتمی مرحلے میں داخل ہو چکا ہے اور اب انٹر نیشنل کونسل ( آئی سی سی ) کا چیمپئنز ٹرافی کے حوالے سے اعلان کرنا باقی رہ گیا ہے ۔ آج چھٹی کا دن ہے اس وجہ سے اعلان نہ ہوسکا۔
کل تک اعلان ہونےکا قومی امکان ہے تاہم اتوار کو بھی اعلان کے امکان کو رد نہیں کیا جاسکتا۔ بھارتی میڈیا نے دعویٰ کیا ہےکہ چیمپئنز ٹرافی ہائبرڈ ماڈل کے تحت ہوگی اور چیمپئنز ٹرافی پر آئی سی سی اور بھارت نے پاکستان کرکٹ بورڈ( پی سی بی )کی تمام شرائط مان لی ہیں۔
بھارتی میڈیا کے مطابق ہائبرڈ ماڈل کی منظوری سے چیمپئنز ٹرافی کے میچز پاکستان اور دبئی میں کھیلے جائیں گے ۔ بھارتی میڈیا کی طرف سے یہ بھی دعویٰ کیا گیا ہے کہ بورڈ کے ان آفیشل اجلاس میں آئی سی سی نے ہائبرڈ ماڈل کی منظوری دی اور اس ضمن میں پا کستان اور بھارت میں اصولی معاہدہ بھی ہو گیا ہے۔2026
کے ٹی ٹوئنٹی ورلڈ کپ کے لیے پاکستان ٹیم بھارت نہیں جائے گی اور پاک بھارت لیگ میچ کولمبو میں کھیلا جائےگا۔ بھارتی میڈیا کے دعوے کے مطابق پاکستان کو کوئی زرتلافی نہیں ملےگا۔ پاکستان 2027 کے بعد آئی سی سی ویمنز ٹورنامنٹ کی میزبانی کرے گا جبکہ 2026 کے ٹی20 ورلڈکپ کے ناک آؤٹ میچز کا معاملہ بعد میں طے ہوگا۔
By 
