گھریلو صارفین کیلئے گیس کی فراہمی کا نیا شیڈول جاری

سوئی ناردرن گیس نے گھریلو صارفین کے لیے گیس کی فراہمی کا شیڈول جاری کر دیا ہے۔

سردی کی شدت بڑھنے کے ساتھ ہی گیس کی طلب میں اضافہ ہونے کے پیش نظر سوئی ناردرن گیس پائپ لائنز لمیٹڈ (SNGPL) نے موسم سرما کے دوران گیس کی فراہمی کا شیڈول مرتب کیا ہے۔

ایس این جی پی ایل کی جانب سے جاری کردہ شیڈول کے مطابق گھریلو صارفین کو دن بھر میں تین مختلف اوقات میں گیس فراہم کی جائے گی۔

یہ اوقات صبح 6 بجے سے 9 بجے تک، دوپہر 12 بجے سے 2 بجے تک، اور شام 6 بجے سے رات 9 بجے تک ہوں گے۔