وزیراعظم میاں محمد شہباز شریف نے بیرون ملک دو سفراء کی تعیناتی کی منظوری دیدی ۔
ذرائع کے مطابق دونوں سفیروں کی منظوری وزیرخارجہ اسحاق ڈار کی جانب سے بھیجے گئے سفارشی سمری کے تناظر میں دی گئی، مرغوب سلیم بٹ سوئٹزلینڈ میں پاکستان کے نئے سفیر ہو ں گے۔ مرغوب سلیم بٹ اس وقت وزارت خارجہ میں بطور ایڈ یشنل سیکر ٹری برائے ایس سی او ہیں۔
عامر شوکت کو مصر میں سفیر تعینات کرنے کی منظوری دیدی گئی۔ عامر شوکت اس وقت سوئٹزرلینڈ میں پاکستان کے سفیر کے طور پر فرائض انجام دے رہے ہیں۔ وزیراعظم کو گزشتہ ماہ تعیناتی کی سمری ارسال کی گئی تھی۔
فرانس نے بھی نئے نامزد سفیر کو سفارتی سطح پر منظور کرلیا، ممتاز زہرا بلوچ فرانس میں پاکستان کی نئی سفیر ہو ں گی، ممتاز زہرا بلوچ اس وقت ترجمان دفترخارجہ کے طور پر فرائض انجام دے رہی ہیں۔ ممتاز زہرا بلوچ کی تعیناتی کی منظوری وزیراعظم نے اگست میں دی تھی۔
By 
