چیئرمین پی ٹی آئی بیرسٹر گوہر خان کا کہنا ہے کہ سول نافرمانی کی کال واپس نہیں لی۔
چیئرمین پی ٹی آئی بیرسٹرگوہر نےپارلیمنٹ ہاؤس کے باہر میڈیا سے گفتگو کرتے ہوئے کہا کہ سول نافرمانی کی کال عمران خان نے دی ہے اورانہوں نے کال واپس نہیں لی ۔بیرسٹر گوہر کا کہنا ہے کہ عمران خان کی کسی بھی کال کی پی ٹی آئی پارلیمانی کمیٹی اورعوام مکمل حمایت کریں گے۔
اس سے پہلے وزیر دفاع خواجہ آصف نے پاکستان تحریک انصاف سے مذاکرات سے متعلق بیان میں کہا تھا کہ ہمیں اب تک تحریک انصاف کی جانب سے کوئی پیغام موصول نہیں ہوا ۔انہوں نے پاکستان تحریک انصاف کی قیادت کو مشورہ دیا کہ اگر وہ مذاکرات کرنا چاہتے ہیں تو پھر لہجے کو دھیما اور رویے کو نرم رکھیں۔ اگر ایسا نہیں ہوا تو مذاکرات نہیں مذاق رات ہوں گے۔
وزیر دفاع نے مزید کہا کہ پاکستان تحریک انصاف میں عمران خان کے علاوہ کسی کی کوئی اہمیت نہیں۔ عمران خان کو حکومت سے خود مذاکرات کرنے میں پہل کرنی چاہئے۔
By 
