تمام سرکاری و نجی کالجز اور یونیورسٹیز میں موسم سرما کی تعطیلات کا اعلان کر دیا گیا

پاکستان کے مختلف صوبوں میں موسم سرما کی تعطیلات کا اعلان کر دیا گیا تاہم ہر صوبے میں تعطیلات کے شیڈول میں فرق ہے۔

محکمہ ہائیر ایجوکیشن نے تمام سرکاری و نجی کالجز اور یونیورسٹیز میں 24 دسمبر سے 5 جنوری تک تعطیلات کا اعلان کر دیا۔

مزید پڑھیں: پنجاب میں موسم سرما کے دوران سکول یونیفارم پالیسی میں نرمی کر دی گئی

صوبہ پنجاب میں موسم سرما کی تعطیلات 23 دسمبر سے شروع ہو کر 10 جنوری تک ہوں گی جبکہ خیبرپختونخوا کے میدانی علاقوں میں اسکول 22 دسمبر سے 31 دسمبر تک بند رہیں گے اور صوبے کے پہاڑی علاقوں میں اسکول 22 دسمبر سے 28 فروری تک بند رہیں گے۔

بلوچستان میں موسم سرما کی تعطیلات کا آغاز 16 دسمبر سے ہو چکا ہے، جہاں کوئٹہ اور دیگر سرد علاقوں میں تعطیلات 28 فروری تک جاری رہیں گی، جبکہ بلوچستان کے گرم علاقوں میں تعطیلات 1 جنوری سے 10 جنوری تک ہوں گی۔

سندھ میں محکمہ تعلیم نے 21 دسمبر سے 31 دسمبر تک تعطیلات کا اعلان کیا ہے، جو تمام سرکاری و نجی تعلیمی اداروں پر لاگو ہوں گی۔