پی ٹی آئی احتجاج کیس، شہریار آفریدی کی 16 جنوری تک عبوری ضمانتیں منظور

انسداد دہشتگردی عدالت نے  26 نومبر  کو پی ٹی آئی احتجاج کے کیس میں شہریار آفریدی کی 5 مقدمات میں عبوری ضمانتیں 16 جنوری تک منظور کر لیں۔

انسداد دہشتگردی عدالت کے جج ابوالحسنات ذوالقرنین نے  پی ٹی آئی احتجاج کے کیس کی سماعت کی ، شہریار آفریدی پانچ مقدمات میں عبوری ضمانتیں کرانے اپنے وکیل سردار مصروف، مرتضیٰ طوری اور آمنہ علی کے ہمراہ عدالت پہنچ گئے ۔

یہ بھی پڑھیں : سٹاک ایکسچینج میں کاروبار کا مثبت آغاز، ڈالر پھر سستا ہو گیا

انسداد دہشتگردی عدالت نے شہریار آفریدی کی 5 مقدمات میں عبوری ضمانتیں 16 جنوری تک منظور کر لیں۔

عدالت نے شہریار آفریدی کو پانچ پانچ ہزار روپے کے مچلکے جمع کرانے کا حکم دیا ، شہریار آفریدی کے خلاف تھانہ ترنول، تھانہ سیکریٹریٹ، تھانہ مارگلہ، تھانہ کوہسار میں دو مقدمات درج ہیں۔