ہم سب کو ملک چلانے کیلئے توبہ کرنا ہوگی، محمود خان اچکزئی

محمود خان اچکزئی نے کہا ہے کہ ہم سب کو ملک چلانے کیلئے توبہ کرنا ہوگی۔

نجی ٹی وی پروگرام میں ان کا کہنا تھا کہ ملک سے حلال و حرام کا فرق ختم ہوگیا ہے، کرپشن کم ہوجائے تو آئی ایم ایف کی ضرورت نہیں ہے۔

مولانا فضل الرحمان ایک ڈیڑھ سال کیلئے وزیر اعظم بن سکتے ہیں،مفتاح اسماعیل کا دعویٰ

محمود خان اچکزئی نے کہا کہ ہمیں عوام کے ووٹ سے پارلیمنٹ کو طاقت کا سرچشمہ بنانا ہے، انہوں نے کہا کہ نہیں لگتا کہ بانی پی ٹی آئی نے حکومت سے مذاکرات کا کہا ہوگا۔

ان کا کہنا تھا کہ ہمیں عدالتی حکم کے باوجود مخصوص نشستیں نہیں دی گئیں،انتخابات کے نتائج دیکھ کر نوازشریف پیچھے ہٹ گئے۔