چینی کمپنی کی پاکستان میں 350 ملین ڈالر کی سرمایہ کاری کا اعلان

اسلام آباد: ایس آئی ایف سی کی معاونت سے چین کی کمپنی اے ڈی ایم گروپ نے پاکستان میں 350 ملین ڈالر کی سرمایہ کاری کا اعلان کیا ہے۔

سرکاری ذرائع کے مطابق اس سرمایہ کاری کے تحت پاکستان میں تین ہزار سے زائد الیکٹرک وہیکل (ای وی) چارجنگ سٹیشنز نصب کیے جائیں گے

سندھ میں 1 ہزار، پنجاب میں 1500 اور خیبرپختونخوا و بلوچستان میں 750 سٹیشنز لگائے جائیں گے۔ اے ڈی ایم گروپ ای وی چارجنگ انفراسٹرکچر کے لیے 90 ملین ڈالر کی سرمایہ کاری فراہم کرے گا، جبکہ پاکستان میں ای وی مینوفیکچرنگ پلانٹ کے قیام کے لیے 250 ملین ڈالر مختص کیے گئے ہیں۔

یہ الیکٹرک گاڑیاں ایک مرتبہ چارج کرنے پر 300 کلومیٹر تک سفر کرنے کی صلاحیت رکھیں گی۔ اس اقدام سے پاکستان میں کاربن کے اخراج میں کمی اور ایندھن پر انحصار کم کرنے میں مدد ملے گی

گرین انرجی اہداف کے تحت پاکستان ای وی مینوفیکچرنگ اور انفراسٹرکچر کا علاقائی مرکز بننے کی راہ پر گامزن ہے، اور ایس آئی ایف سی کے تعاون سے ای وی چارجنگ سٹیشنز کا قیام حکومت کی ماحول دوست پالیسیوں کے لیے خوش آئند ثابت ہوگا۔