پاکستان کرکٹ بورڈ (پی سی بی) کے چیئرمین محسن نقوی کا کہنا ہے کہ جنوبی افریقہ کے خلاف تیسرے ون ڈے میچ کے دوران صائم ایوب نے سنچری اسکورکرکے فتح میں اہم کردار ادا کیا۔
ایک بیان میں محسن نقوی نے کہا ہے کہ جنوبی افریقا کو وائٹ واش کرنے پر پاکستانی ٹیم کو دلی مبارک باد پیش کرتا ہوں۔
چیئرمین پی سی بی محسن نقوی کا کہنا ہے کہ صائم ایوب نے پھر اپنی کلاس ثابت کی، سنچری بنا کر فتح میں اہم کردار ادا کیا، محمد رضوان اور بابر اعظم نے اچھی بیٹنگ کی جبکہ سفیان مقیم نے عمدہ بولنگ کر کے قوم کے دل جیت لیے۔
محسن نقوی کا کہنا ہے کہ ٹیم ورک کا نتیجہ شاندار کامیابی کی صورت میں سامنے آیا ہے، پاکستانی ٹیم کے کھلاڑی پُراعتماد نظر آئے، جذبے اور محنت سے کھیلے۔
پاکستان کرکٹ بورڈ کے چیئرمین نے یہ بھی کہا کہ اس جیت سے کھلاڑیوں کا مورال بڑھے گا، چیمپئنز ٹرافی ٹورنامنٹ میں بھی پاکستانی ٹیم ایسی ہی کارکردگی دکھائے گی۔
واضح رہے کہ پاکستان جنوبی افریقا کو سیریز میں کلین سوئپ کرنے اور تین میچوں پر مشتمل ون ڈے سیریز ہرانے والی پہلی دنیا کی پہلی ٹیم بن گئی۔
By 
