جنوبی افریقہ کیخلاف ٹیسٹ سکواڈ میں بابراعظم کو شامل کرنے کا فیصلہ

قومی بلے باز بابراعظم کو جنوبی افریقہ کیخلاف ٹیسٹ سکواڈ میں شامل کرنے کا فیصلہ کرلیا گیا ہے ۔

ذرائع کے مطابق جنوبی افریقہ کے خلاف ٹیم مینجمنٹ اور سلیکشن کمیٹی نے  سابق کپتان بابراعظم کو ٹیم کا حصہ بنانے کا فیصلہ کیا ہے، بابر اعظم کو آؤٹ آف فارم اوپنرعبداللہ شفیق کی جگہ ٹیم کا حصہ بنایا جائیگا۔

پی سی بی ذرائع کا بتانا ہے کہ بابر اعظم نمبر تین پر بیٹنگ کریں گے جبکہ کپتان شان مسعود پاکستان ٹیم کی اننگز کا آغاز صائم ایوب کیساتھ کرینگے۔

یہ بھی پڑھیں : انگلش کپتان بین اسٹوکس ہیمسٹرنگ انجری کا شکارہوکر کھیل سے باہر

خیال رہے کہ سابق ٹیسٹ کپتان نے جنوبی افریقہ کے خلاف ون ڈے سیریز میں 2 نصف سنچریوں کی بدولت 148 رنز سکور کئے تھے۔

یاد رہے کہ بابر اعظم کو 18 ٹیسٹ اننگز میں آؤٹ آف فارم ہونے پر انگلینڈ کے خلاف پہلے ٹیسٹ کے بعد ٹیم سے ڈراپ کردیا گیا تھا۔