25 دسمبر کو تمام بینکس اور مالیاتی ادارے بند رکھنے کا اعلان

اسٹیٹ بینک آف پاکستان نے 25 دسمبر کو یوم قائداعظم اور کرسمس کے موقع پر بینکوں اور دیگر مالیاتی اداروں کی بندش کا اعلان کردیا۔

اسٹیٹ بینک کی جانب سے جاری نوٹیفکیشن کے مطابق بدھ 25 دسمبر 2024ء کو مرکزی بینک سمیت تمام بینکس اور سرکاری و نجی مالیاتی ادارے بند رہیں گے۔

مزید پڑھیں: 25 دسمبر کو قائداعظم ڈے اور کرسمس کے موقع پر ملک بھر میں عام تعطیل کا اعلان

یاد رہے کہ 25 دسمبر کو بانی پاکستان قائداعظم محمد علی جناح کا یوم پیدائش سرکاری سطح پر منایا جاتا ہے جبکہ مسیحی برادری اسی روز کرسمس کا تہوار مناتی ہے۔

اس دن ملک بھر میں عام تعطیل ہوتی ہے۔ سندھ حکومت نے بھی 25 دسمبر کو یوم قائداعظم کے موقع پر عام تعطیل کا اعلان کر رکھا ہے۔