ملک بھر میں جنوری کے دوسرے ہفتے سے سردی میں اضافہ ہوگا ، محکمہ موسمیات

محکمہ موسمیات نے جنوری کے دوسرے ہفتے سے سردی میں اضافے کی پیشگوئی کی ہے جبکہ اگلے تین روز کیلئے موسم خشک رہے گا ۔

ملک کے طول و عرض میں سردی کے ڈیرے ہیں جبکہ شمالی بلوچستان میں شدید سردی سے ندی نالوں حتیٰ کہ پائپ لائنوں میں بھی پانی جم گیا ، خون جماتی سردی میں زیارت، کوئٹہ اور قلات میں گیس پریشر میں کمی سے شہریوں کو مشکلات کا سامنا ہے ۔

یہ بھی پڑھیں : پاکستان سمیت دنیا بھر میں آج کرسمس کا تہوارمنایا جارہے، صدر اور وزیراعظم کی مبارکباد

کراچی میں بھی سرد ہواؤں کے باعث ٹھنڈ میں اضافہ ہوگیا ، لاہور سمیت پنجاب بھر میں شدید سردی ہے جبکہ مری میں برف باری کے بعد سردی میں اضافہ  ہوگیا ہے ۔

 خیبر پختونخوا کے بالائی علاقوں میں وقفے وقفے سے برف باری کا سلسلہ جاری ہے ۔

محکمہ موسمیات نے رواں سیزن میں بارش اور برف باری کم ہونے کی پیشگوئی بھی کی ہے ۔