پاکستان مسلم لیگ ن (پی ایم ایل این) کے سینیٹرعرفان صدیقی نے کہا ہے کہ آئندہ بھی مذاکراتی کمیٹی کو بانی پی ٹی آئی عمران خان سے ملاقات کی سہولت دیں گے۔
تفصیلات کے مطابق عرفان صدیقی کا اپنے ایک بیان میں کہنا تھا کہ بانی تحریک انصاف کے بیانات نہیں کمیٹی کے تحریری مطالبات د یکھا جائےگا۔ کمیٹیوں نے پہلے اجلاس میں ہی خود کو بیانات سے الگ رکھنے کا فیصلہ کیا۔
ان کا کہنا تھا کہ پی ٹی آئی کو معلوم ہے کہ جیلوں سے نکلنےکا کیا قانونی طریقہ کار ہوتا ہے ، ہم نے کمیٹیوں کے پہلے اجلاس کے دن ہی بانی پی ٹی آئی سے ملاقات میں سہولت دینے کا کہہ دیا تھا۔
عرفان صدیقی کا مزید کہنا تھا کہ پاکستان تحریک انصاف سے بات چیت میں نواز شریف کی منظوری شامل ہے، پاکستان کی پالیسیاں کسی رچرڈ گرینل کے ٹوئٹس پر نہیں بنتیں۔
By 
