مرغی کے گوشت کی قیمت میں اضافہ، انڈے کی قیمت مستحکم رہی

لاہور میں مرغی کے گوشت کی قیمت میں مزید اضافہ دیکھنے میں آیا ہے جبکہ انڈے کی قیمت مستحکم رہی ہے۔

نجی ٹی وی چینل کے مطابق، سرکاری نرخنامے کے تحت مرغی کے گوشت کی فی کلو قیمت میں 14 روپے کا اضافہ ہوا، جس کے بعد اس کی نئی قیمت 562 روپے فی کلو ہو گئی ہے۔ گزشتہ روز گوشت کی قیمت 548 روپے فی کلو تھی۔

یہ بھی پڑھیں :ایف بی آر: ٹیکس ریٹرن جمع نہ کرانے والوں کی شامت آگئی

زندہ برائلر مرغی کی قیمت بھی بڑھ گئی ہے۔ تھوک قیمت 374 روپے فی کلو اور پرچون قیمت 388 روپے فی کلو مقرر کی گئی ہے۔ دوسری جانب، لاہور کے سرکاری نرخنامے میں انڈوں کی قیمت میں کوئی ردوبدل نہیں ہوا اور فی درجن انڈوں کی قیمت 329 روپے پر برقرار ہے۔

یہ بھی پڑھیں: پاکستان کے ٹاپ 5 فیصد سب سے زیادہ کمائی کرنیوالے افراد 16کھرب روپے کا ٹیکس چوری کرتے ہیں، چیئرمین ایف بی آر
یہ اضافہ عوام کے لیے مہنگائی کے مزید دباؤ کا سبب بن رہا ہے، جس پر شہریوں نے گہری تشویش کا اظہار کیا ہے۔