رواں مالی سال ترسیلات زر اور برآمدات میں اضافہ ریکارڈ

رواں مالی سال ترسیلات زر اور برآمدات میں اضافہ ہو گیا۔

وزارت خزانہ نے ماہانہ معاشی آؤٹ لک جاری کردی،رواں مالی سال کے پہلے پانچ ماہ ترسیلات زر اور برآمدات میں اضافہ ریکارڈ کیا گیا۔

مہنگائی کی شرح میں اضافہ، 17 اشیا مہنگی، 10 سستی، 24 کی قیمتوں میں استحکام

درآمدات، بیرونی سرمایہ کاری، زرمبادلہ ذخائر اور روپے کی قدر میں بھی اضافہ ریکارڈ کیا گیا،وزارت خزانہ کے مطابق گزشتہ مالی سال کے مقابلے میں رواں مالی سال ترسیلات زر میں 33.6 فیصد کا اضافہ ہوا اور پانچ ماہ میں ترسیلات زر 14.77 ارب ڈالر رہیں۔

وزارت خزانہ کے مطابق چار ماہ میں مالی خسارہ 495 ارب روپے سرپلس رہا، زرعی شعبے کے قرضوں میں 8.5 فیصد کا اضافہ ریکارڈ کیا گیا، رپورٹ کے مطابق بڑی صنعتوں کی پیداوار میں پانچ ماہ میں 0.02 فیصد کا اضافہ ہوا۔