کراچی کے بجلی صارفین کو ریلیف ملنے کا امکان

کراچی الیکٹرک نے نومبر 2024ء کے لیے فیول چارجز ایڈجسٹمنٹ میں کمی کی درخواست دیدی۔

تفصیلات کے مطابق کراچی الیکٹرک نے نومبر کے مہینے میں ایف سی اے کی مد میں 4.98 روپے فی یونٹ کمی کی استدعا کی ہے۔ اس درخواست پر نیپرا 15 جنوری 2025ء کو سماعت کرے گا، جس کے بعد نیپرا تحریری فیصلہ جاری کرے گا۔

مزید پڑھیں: بجلی کتنی سستی ہونیوالی ہے؟ صارفین کے لیے بڑی خوشخبری

کے الیکٹرک کے ترجمان کا کہنا ہے کہ یہ مسلسل تیسرا ایف سی اے ہے جس میں صارفین کو ریلیف دیا جا رہا ہے۔ عوامی سماعت کے بعد نیپرا فیصلہ کرے گا کہ ایف سی اے کس ماہ کے بل میں لاگو ہوگا۔

ترجمان نے یہ بھی بتایا کہ ایف سی اے کا انحصار ایندھن کی قیمتوں میں اتار چڑھاؤ اور جنریشن مکس میں ہونے والی تبدیلیوں پر ہوتا ہے۔