مذاکراتی کمیٹی کے تمام ارکان حکومتی اجلاس میں شریک ہوں گے، بیرسٹر گوہر

چیئرمین تحریک انصاف بیرسٹر گوہرعلی خان نے مذاکراتی کمیٹی کے اجلاس کے حوالے سے ردعمل میں کہا کہ تمام ارکان حکومتی اجلاس میں شریک ہوں گے۔

بیرسٹر گوہر کا کہنا تھا کہ حکومت اور اپوزیشن مذاکراتی کمیٹیوں کے تمام ارکان بہترین سیاسی بصیرت کے حامل ہیں، اپوزیشن کی مذاکراتی کمیٹی کے تمام ارکان 2جنوری کے اجلاس میں شریک ہوں گے۔

حکومت کا پراپرٹی ٹیکس کم کرنے کیلئے آئی ایم ایف سے رابطے کا فیصلہ

ان کا کہنا تھا کہ امید ہے فریقین مذاکرات میں کھلے دل اور نیک نیتی کا مظاہرہ کریں گے، مذاکرات میں سنجیدہ کوششیں مثبت نتائج تک ضرور پہنچا دیتی ہیں۔

انہوں نے کہا کہ پرامید ہیں کہ مذاکراتی کمیٹیاں کم وقت میں کوئی حل نکال لیں گی،حکومت اور اپوزیشن میں مذاکرات کی کامیابی پاکستان کی کامیابی ہوگی۔