آرمی چیف سے اپیل پر شہری کی 16ایکڑ اراضی قبضہ مافیا سے واگزار

آرمی چیف جنرل عاصم منیر سے اپیل کے بعد پاکستانی نژاد کینیڈین شہری کی زمین قبضہ مافیا سے واگزار کروالی گئی۔

میڈیا پاکستانی نژاد کینیڈین شہری قاضی لیاقت حسین کی آواز بن گیا، آرمی چیف سے اپیل کے بعد شہری کی 16 ایکڑ اراضی قبضہ مافیا سے واگزار کروالی گئی۔

موٹر ویز پر ٹول ٹیکسز میں کیا گیا بڑا اضافہ کل سے عوام سے وصول کیا جائے گا

قاضی لیاقت حسین نے اے آر وائی نیوز کے ذریعے آرمی چیف سے نوٹس لینے کی اپیل کی تھی،2020 میں پاکستانی نژاد کینیڈین شہری کی حب ڈیم کے قریب اراضی قبضہ مافیا نے ہتھیا لی تھی۔

زمین واگزار ہونے پر قاضی لیاقت حسین کا کہنا تھا کہ اس سے سمندر پار پاکستانیوں کو حوصلہ ملا ہے،ان کا کہنا تھا کہ نارتھ امریکہ میں مقیم پاکستانی آرمی چیف کے کردار سے خوش ہوئے ہیں۔