شدید دھند کی وجہ سے موٹر وے ایم تھری اور ایم 11 مختلف مقامات سے بند کر دی گئی۔
ترجمان موٹر وے پولیس سید عمران خان نے کہا ہے کہ لاہور سیالکوٹ موٹروے ایم 11 کو دھند کی وجہ سے بند کر دیا گیا ہے۔
موٹروے ایم 3 کو فیض پور سے سمندری تک دھند کی وجہ سے بند کیا گیا ہے، ترجمان کے مطابق موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔
دھند میں لین کی خلاف ورزی حادثات کا سبب بن سکتی ہے، روڈ یوزرز دھند میں لین ڈسپلن کو یقینی بنائیں، ترجمان کا کہنا تھا کہ شہری زیادہ سے زیادہ دن کے اوقات پر سفر کرنے کو ترجیح دیں۔
صبح 10 سے شام 6 بجے تک دھند کے موسم میں بہترین سفری اوقات ہیں، ڈرائیور حضرات آگے اور پیچھے دھند والی لائٹس کا استعمال کر یں،عوام غیر ضروری سفر سے گریز کریں اور دھند کے دوران اگلی گاڑی سے مناسب فاصلہ رکھیں۔
By 
