سرکاری ڈسکوز کے صارفین کے لیے بجلی 75 پیسے فی یونٹ سستی کر دی گئی

پاکستان بھر کے بجلی صارفین کے لیے خوشخبری ہے کہ سرکاری ڈسکوز کے صارفین کے لیے بجلی 75 پیسے فی یونٹ سستی کر دی گئی۔

کراچی الیکٹرک (KE) کے صارفین کے لیے بھی بجلی کی قیمت میں 49 پیسے فی یونٹ کمی کی منظوری دی گئی۔ یہ کمی ماہانہ فیول پرائس ایڈجسٹمنٹ (FCA) کی مد میں کی گئی ہے جو کہ سرکاری ڈسکوز اور کے الیکٹرک دونوں کے صارفین کو فائدہ پہنچائے گی۔

مزید پڑھیں: حکومت کا بجلی کے نرخوں میں کمی کے لئے اقدامات تیز کرنے کا فیصلہ

سرکاری ڈسکوز کے صارفین کے لیے یہ کمی نومبر کے ایف سی اے کے تحت کی گئی ہے جبکہ کے الیکٹرک صارفین کے لیے یہ کمی اکتوبر کے ایف سی اے کی مد میں کی گئی ہے۔

نیپرا نے سرکاری ڈسکوز اور کے الیکٹرک کے صارفین کے لیے قیمتوں میں کمی کا نوٹیفکیشن بھی جاری کر دیا۔