سرفراز احمد کو نئی ذمہ داری مل گئی، شعیب ملک کو کوئٹہ گلیڈی ایٹرز نے منتخب کر لیا

سرفراز احمد کسی فرنچائز نے منتخب نہ کیا لیکن کوئٹہ گلیڈی ایٹرز نے انہیں نئی ذمہ داری سونپ دی، شعیب ملک کو کوئٹہ گلیڈی ایٹرز نے منتخب کر لیا۔

پاکستان سپر لیگ سیزن 10 کی ڈرافٹنگ مکمل ہو گئی ہے اور سب سے آخری کیٹیگری ’ سپلیمنٹری‘ میں کئی بڑے ناموں کو فرنچائزز کی جانب سے منتخب کر لیا گیا ہے ۔

ڈیوڈ وارنر پی ایس ایل کے مہنگے ترین کرکٹر بن گئے

کراچی کنگز کو چھوڑنے والے شعیب ملک کو سپلمنٹری کیٹیگری میں کوئٹہ گلیڈی ایٹرز  نے منتخب کر لیاہے جبکہ سرفراز احمد میں کسی فرنچائز نے کوئی دلچسپی نہیں لی۔

اس بار سرفراز احمد  پی ایس ایل نہیں کھیلیں گے، انہوں نے اس بار خود کوئٹہ گلیڈی ایٹرز کو چھوڑنے کا اعلان کیا تھا۔

کوئٹہ گلیڈی ایٹرز کے مالک ندیم عمر  نے  سابق کپتان سرفراز  احمد کو نئی ذمہ داریاں دیتے ہوئے ٹیم کا کوچ مقرر کر دیا، ان کا کہنا تھا کہ سرفراز احمد کوئٹہ گلیڈی ایٹرز کی جان ہیں، ہم ان کو چھوڑ نہیں سکتے، آپ انہیں ایک نئے  رول میں دیکھیں گے۔