By پاکستان ویمن کرکٹ ٹیم کی وکٹ کیپر اور بلے باز سدرا نواز اپنی نئی زندگی کے آغاز کے ساتھ شادی کے بندھن میں بندھ گئیں۔ اس خوشگوار موقع پر ان کے اہلِ خانہ اور قریبی عزیز و اقارب نے شرکت کی اور تقریب کو سادگی مگر وقار کے ساتھ منعقد کیا گیا۔
تفصیلات کے مطابق سدرا نواز اور غیاث خان کے نکاح کی تقریب لاہور میں منعقد ہوئی، جہاں دونوں خاندانوں کے قریبی افراد شریک تھے۔ نکاح کی اس تقریب میں محدود مہمانوں کو مدعو کیا گیا، جبکہ تقریب کا ماحول خوشی اور دعاؤں سے بھرپور رہا۔ رپورٹس کے مطابق سدرا نواز کی شادی کی مرکزی تقریب بھی آج لاہور میں ہی منعقد کی جا رہی ہے، جس میں دوست احباب اور رشتہ دار شرکت کریں گے۔
یہ بھی پڑھیں: نہ قطاریں، نہ انتظار! پیدائش، اموات ، شادی و طلاق کا آن لائن اندراج ممکن ہوگیا
مزید یہ کہ شادی سے قبل ہونے والی مہندی اور مایوں کی تقریبات میں سدرا نواز کی ساتھی کھلاڑیوں نے بھی شرکت کی۔ ان تقریبات میں کرکٹ سے وابستہ شخصیات کی موجودگی نے تقریب کو مزید یادگار بنا دیا۔ ساتھی کھلاڑیوں نے سدرا نواز کو نئی زندگی کے آغاز پر مبارکباد دی اور ان کے لیے نیک تمناؤں کا اظہار کیا۔
View this post on Instagram
