سعودی وزارت صحت نے عمرہ زائرین کیلئے مختلف بیماریوں کی ویکسینیشن لازمی قرار دیدی۔
سعودی وزارت صحت نے عمرہ زائرین کے لیے صحت کے اصول جاری کردیے ہیں جن کے مطابق تمام زائرین کے لیے ضروری ویکسینیشن اور احتیاطی تدابیر پر عمل کرنا لازمی ہوگا۔
سعودی سول ایوی ایشن گاکا کے جاری کردہ نوٹیفکیشن کے مطابق عمرہ زائرین کو صحت دستاویزات بشمول ویکسینیشن سرٹیفکیٹ ساتھ لانے کی ہدایت کی گئی ہے۔نوٹیفکیشن میں کہا گیا ہے کہ دنیا بھر سے آنے والے زائرین کے لیے میننجائٹس ویکسین لازمی ہوگی اور سعودی عرب پہنچنے والے زائرین کو ویکسینیشن سرٹیفکیٹ پیش کرنا ہوگا۔
اس کے علاوہ پاکستان، نائجیریا، افغانستان اور دیگر متاثرہ ممالک سے جانے والے زائرین کے لیے پولیو ویکسین لازمی قرار دی گئی ہے۔ اسی طرح انگولا، نائیجیریا، برازیل اور کانگو کے مسافروں کے لیے زرد بخار کی ویکسین بھی ضروری ہوگی۔
نوٹیفکیشن میں عالمی ادارہ صحت کی سفارش پر کورونا اور موسمی فلو کی ویکسین بھی لازمی قرار دی گئی ہے۔ اس کے علاوہ، زائرین کو ٹیٹنس، خسرہ اور دیگر بیماریوں کی ویکسینیشن مکمل کروانے کی بھی ہدایت کی گئی ہے تاکہ عمرہ کے دوران صحت کی حفاظت کو یقینی بنایا جا سکے۔
By 
