ملک بھر میں سردی نے ڈیرے ڈال دیے ہیں ، محکمہ موسمیات نے آئندہ چوبیس گھنٹے میں بھی موسم سرد رہنے کی پیش گوئی کی ہے۔
محکمہ موسمیات کے مطابق شمال مغربی بلوچستان میں چند مقامات پر ہلکی بارش اور برف باری کا امکان ہے، کوئٹہ، چمن، زیارت، پشین، قلعہ عبداللہ اور دیگر علاقوں میں بادل برسیں گے، بالائی علاقوں میں کڑاکے کی سردی پڑی۔
لہہ میں درجہ حرارت منفی 12ریکارڈ، گوپس منفی11، استور، سکردو میں منفی 10، کالام منفی7 ریکارڈ کیا گیا، ہنزہ میں منفی6، بگروٹ منفی5، چترال اور دیگر میں منفی4ڈگری سینٹی گریڈ رہا۔
ملک کے مختلف شہروں میں دھند کا راج بھی برقرار رہا، حد نگاہ کم ہونے پر موٹر وے ایم ون پشاور سے صوابی تک ٹریفک کیلئے بندکر دی گئی۔
By 
