صارفین کو ایک مالی سال میں بجلی بلوں کی زیادہ اقساط کی سہولت فراہم کرنے کا امکان

حکومت کی جانب سے ملک بھر کے بجلی صارفین کے لیے مشکلات کم کرنے کی تیاریاں کی جارہی ہیں، اس ضمن میں ملک بھر کے بجلی صارفین کو ایک مالی سال میں بجلی بلوں کی زیادہ قسطوں کی سہولت دیے جانے کا امکان ہے۔

میڈیا رپورٹ کے مطابق نیشنل الیکٹرک پاور ریگولیٹری اتھارٹی (نیپرا) کی جانب سے صارفین کو قسطوں کی سہولت ڈسکوز کو ریونیو ضروریات کے مطابق دینے کی تجویز دی گئی ہے۔

اس کے علاوہ نیپرا نے کنزیومر سروس مینوئل میں ترمیم کی بھی تجویز دے دی۔

یہ بھی پڑھیں : ملک بھر میں موسم مزید سرد ، بلوچستان میں شدید برفباری اور سیلاب کی نئی وارننگ 

دستاویز کے مطابق نیپرا نے کنزیومر سروس مینوئل میں ترمیم کے لیے اسٹیک ہولڈرز سے 7 روز میں رائےطلب کرلی۔

دستاویز میں کہا گیا ہے کہ  بجلی صارفین کے لیے پہلی قسط کی بروقت ادائیگی پر مارک اپ نہیں ہوگا، ڈسکوز کو قسطوں پر 14 فیصد مارک اپ لگانے کی اجازت ہو گی۔

نیپرا نے جون 2024 میں کنزیومر سروس مینوئل 2021 میں ترمیم کر دی تھی،  اس وقت مالی سال میں صرف ایک مرتبہ ہی بجلی کے بلوں کی قسطیں کرنےکی اجازت ہے۔