بابراعظم کنگ نہیں انسان ہیں، قومی آل راؤنڈر شاداب خان

قومی ٹیم کے آل راؤنڈر شاداب خان نے کہا ہے کہ بابر اعظم کنگ نہیں بلکہ انسان ہیں، مجھے لگتا ہے کہ بابر پر ا ضافی بوجھ ڈالا گیا ہے اس کو نارمل رکھنا چاہیے۔

تفصیلات کے مطابق لاہور میں نجی ٹی وی کے پروگرام میں گفتگو کے دوران شاداب خان نے شرکت کی جہاں ان سے میزبان اور سامعین نے مختلف سوالات کئے۔ سامعین میں سے ایک شخص نے پوچھا کہ سب لوگ بطور کرکٹر بابر اعظم کو ’’کنگ‘ ‘ بولتے ہیں اس بارے میں آپ کی کیا رائے ہے وہ ’’کنگ‘‘ ہیں کہ نہیں؟ شاداب خان نے جواب میں کہا کہ بابر اعظم کنگ تو نہیں انسان ہیں۔

یہ بھی پڑھیں:انگلینڈ کو دوسرے ٹی ٹوئنٹی میچ میں بھی بھارت نے شکست دے دی

میزبان نے کہا کہ یہ تو آپ کے اچھے دوست حسن علی نے کہا کہ ’بوبزی دا کنگ‘ اس پر انہوں نے کہا کہ حسن علی نے یہ تو غلط کہا ہے ۔ شاداب خان نے کہا کہ اس نے کبھی ’کنگ‘ بولنے کی ڈیمانڈ نہیں کی لیکن ہم لوگوں نے اس پر دباؤ ڈال دیا ہے، اب اس کا کنگ والا ٹیگ ختم ہورہا ہے تو وہ اچھا پرفارم کرے گا۔ انہوں نے کہا کہ بطور کھلاڑی ہر انسان کو بہتری کی ضرورت ہے، ہم ماڈرن ڈے کرکٹ سے بہت پیچھے ہیں۔

یہ بھی پڑھیں:پاکستان ، نیوزی لینڈ اور جنوبی افریقہ کے درمیان سہ ملکی ون ڈے سیریز کے شیڈول کا اعلان

بابر کی ایوریج 50 ہے اور اس کا اسٹرائیک ریٹ 130 ہے جب ایوریج اس کی 30 ہوگی تو اس کا اسٹرائیک ریٹ اُوپر جائے گالیکن ہم چاہتے ہیں کہ وہ ہر میچ میں اپنی پرفارمنس رکھائے اور اسٹرائیک ریٹ بھی 170 ہو تو ایسا نہیں ہوسکتا۔ شاداب خان نے مزید کہا کہ ہمیں ہر کھلاڑی کو وقت دینا چاہیے کہ وہ اپنی گیم میں بہتری لائے لیکن تنقید کرنا ہماری عادت بن گئی ہے۔