برطانیہ میں صدی کے بدترین برفانی طوفان سے بڑی تباہی کا خطرہ ہے، برطانوی محکمہ موسمیات نے پانچ دن کیلئے ریڈ الرٹ جاری کردیا۔
تفصیلات کے مطابق برطانیہ کے آٹھ ریجن میں صدی کے بدترین برفانی طوفان کی پیش گوئی کی گئی ہے، جس کے پیش نظر پانچ دن کیلئے ریڈ الرٹ جاری کردیا گیا۔برطانیہ کو طوفان ایون کے اثرات ختم ہونے سے قبل ہی دوسرے طوفان کا سامناکرپڑ سکتا ہے۔
شمالی آئرلینڈ ،ویلز اور جنوبی سکاٹ لینڈ میں شدید بارشوں اور سیلاب کی پیشگوئی کی گئی ہے، محکمہ موسمیات نے شدید موسمی حالات کے حوالے سے امبر وارننگ بھی جاری کی ہے، طوفان ’’ایووین‘‘ کے باعث تیز ہوائیں چلیں گی اور شدید بارش بھی متوقع ہیں۔
آئرلینڈ کے ساحلی علاقوں میں نوے میل فی گھنٹہ کی رفتارسے ہوائیں چلنے کی توقع ہے جبکہ برطانیہ کے مشرقی حصوں میں شدید بارش اور پہاڑوں برف باری بھی ہوسکتی ہے۔
میٹ آفس کا کہنا ہے برطانیہ کے 76 شہروں میں بجلی کی بندش اورموبائل فون کے سگنلزمتاثرہونے کا خدشہ ہے اور سروس معطل ہو سکتی ہے۔ریل، ہوائی اور فیری سروسزبھی متاثر ہونے کا امکان ہے، سڑکیں اورپُل بند ہوسکتے ہیں۔
محکمہ موسمیات نے شہریوں کو خبردارکیا ہے کہ سترسے اسّی کلومیٹرفی گھنٹہ کی رفتارچلنے والی برفانی ہوائیں تباہی مچا سکتی ہیں۔ اسکاٹ لینڈ اورآئرلینڈ میں شہریوں کو ایمرجنسی الرٹ بھیجے گئے ہیں۔
By 
