کاروباری ہفتے کے آخری روز پاکستان اسٹاک ایکسچنج میں تیزی کے رجحان میں اضافہ دیکھا جارہا ہے، دوران ٹریڈنگ مارکیٹ میں ایک ہزار سے زائد پوائنٹس کی تیزی دیکھی گئی۔
پاکستان اسٹاک ایکسچینج میں 114000 پوائنٹس کی حد بحال ہوگئی،ہنڈریڈ انڈیکس 1030 پوائنٹس بڑھ کر 114230 پوائنٹس پر پہنچ گیا ہے ۔
بروکرز کا کہنا ہےکہ لسٹڈ کمپنیز کے اچھے مالی نتائج مارکیٹ کی سمت کا تعین کریں گے،اسٹاک مارکیٹ میں رول اوور کا آخری دن،ادھار کے سودے فروری کائونٹر پر شفٹ ہو رہے ہیں۔
گزشتہ روز کاروبار کے اختتام پر پاکستان اسٹاک مارکیٹ 1 لاکھ 13 ہزار 200 پوائنٹس پر بند ہوئی۔
سٹاک مارکیٹ میں گزشتہ روز 15 ارب 73 کروڑ 71 لاکھ 22 ہزار 573 روپے مالیت کے 17 کروڑ 22 لاکھ 44 ہزار 205 شیئرز کا لین دین ہوا۔
By 
