نئے قانون پر عملدرآمد شروع، تیز رفتاری پر موٹر سائیکل سوار گرفتار

موٹر سائیکل کی زیادہ سے زیادہ حد رفتار کے قانون پر عملدرآمد شروع ہو گیا، تیز رفتاری پر موٹر سائیکل سوار گرفتار کر لیا گیا۔

فیصل آباد میں تیزرفتاری پر موٹر سائیکل سوار کے خلاف پہلا پرچہ کاٹ دیا گیا شہری کی معافی اور منتیں کسی کام نہ آئیں، تھانہ سول لائن پولیس نے اُسے گرفتار کرکے مقدمہ درج کرلیا۔

پنجاب بھر میں موٹر سائیکل سواروں کیلئے زیادہ سے زیادہ سپیڈ 60 کلو میٹر فی گھنٹہ مقرر ہونے کے بعد فیصل آباد میں یہ پہلا پرچہ کاٹا گیا ہے جوکہ ریحان اشفاق نامی شہری کے خلاف اے ایس آئی  نواز کی مدعیت میں کاٹا گیا ہے۔

اے ایس آئی نواز کے مطابق محلہ سیٹلائیٹ ٹائون کا رہائشی ریحان اشفاق 125 موٹر سائیکل کو انتہائی خطرناک ، تیزرفتای اور لاپرواہی سے چلاتا ہوا سرینا ہوٹل کی جانب سے آرہا تھا جسے پولیس اہلکاروں نے بڑی مشکل سے قابو کیا۔

پولیس نے اس کے خلاف اپنی اور عوام کی زندگی خطرے میں ڈالنے کے جرم میں 279 ت پ کے تحت مقدمہ درج کیا ہے۔