ارکان سینیٹ کی تنخواہوں میں اضافے کے حوالے سے فنانس کمیٹی کا اجلاس آئندہ ہفتے طلب کئے جانے کا امکان

ارکان سینیٹ کی تنخواہوں میں اضافے کی منظوری کے معاملے پر سینیٹ فنانس کمیٹی کا اجلاس آئندہ ہفتے طلب کئے جانے کا امکان ہے۔

جمعہ کو طلب کیا گیا سینیٹ فنانس کمیٹی کا اجلاس چیئرمین سینیٹ یوسف رضا گیلانی کے بیرون ملک دورہ کی وجہ سے ملتوی کر دیا گیا تھا۔

سندھ، پنجاب، بلوچستان کے 3 ججز کا اسلام آباد ہائیکورٹ تبادلہ کر دیا گیا

ذرائع کے مطابق چیئرمین سینیٹ اپوزیشن لیڈر اورقائد ایوان کی مشاورت سے کمیٹی اجلاس بلائیں گے، اجلاس میں ارکان سینیٹ کی تنخواہوں میں اضافے کی منظوری لی جائے گی۔

ا رکان سینیٹ کی تنخواہ بھی ارکان قومی اسمبلی کے مساوی 5 لاکھ 19 ہزار کی جائے گی ، ارکان سینیٹ کی تنخواہوں میں اضافے کا اطلاق یکم جنوری سے ہی ہو گا۔

اس وقت ا رکان سینیٹ کی تنخواہ بنیادی تنخواہ 1 لاکھ 50 ہزار روپے ہے، ذرائع کے مطابق چیئرمین اور ڈپٹی چیئرمین سینیٹ کی تخواہ میں اضافہ نہیں ہو گا۔