امریکا نے چین، کینیڈا اور میکسیکو پر نئے ٹیرف عائد کردیے

 امریکی صدر ڈونلڈ ٹرمپ نے بڑے تجارتی شراکت داروں چین، کینیڈا اور میکسیکو پر نئے ٹیرف عائد کردیے۔

تفصیلات کے مطابق اہم ممالک کے ساتھ تجارتی محاذ آرائی کا آغاز کرتے اور اپنی دھمکیوں کو عملی جامہ پہناتے ہوئے صدر ڈونلڈ ٹرمپ نے تینوں ممالک پر ٹیرف عائد کرنے کے حکمنامے پر دستخط کردیے ہیں۔

کینیڈین حکام کو آگاہ کردیا گیا ہے کہ برآمد کیے جانیوالے سامان پر منگل سے 25 فیصد ٹیرف عائد کردیا گیا ہے، تاہم کینیڈین آئل پر یہ ٹیکس دس فیصد لگایا گیا ہے۔

میکسیکو سے برآمد اشیا پر بھی 25 فیصد ٹیکس جبکہ چین سے امریکا بھیجی جانیوالی اشیا پر 10 فیصد ٹیکس عائد کیا گیا ہے۔

یہ بھی پڑھیں : پنجاب کے میدانی علاقوں میں دھند کے ڈیرے ، موٹرویز مختلف مقامات پربند

وائٹ ہاؤس کے مطابق کسی کے لیے کوئی استثنیٰ نہیں ہے، ٹیرف کا عارضی پلان منگل سے نافذ العمل ہوگا۔

وائٹ ہاؤس نے یہ بھی واضح کیا ہے کہ اگر کسی ملک نے ٹیرف کے جواب میں ردعمل دیا تواس سے نمٹنے کی بھی تیاری کرلی گئی ہے۔

صدر ڈونلڈ ٹرمپ کے اقدام سے میکسیکو کا انضمام کرنے کی کوششوں کو بھی دھچکا پہنچنے کا اندیشہ ہے۔