ملکی برآمدات میں کروڑوں ڈالر کا اضافہ ہوگیا

رواں مالی سال کے پہلے سات ماہ میں ملکی برآمدات میں 1 ارب 77 کروڑ ڈالر اضافہ کا اضافہ ہو گیا۔

ادارہ شماریات کے مطابق جولائی تا جنوری ملکی برآمدات کا حجم 19 ارب 55 کروڑ ڈالر تک پہنچ گیا، گزشتہ مالی سال کی اسی مدت کے مقابلے میں برآمدات میں 10 فیصد  اضافہ ریکارڈ کیا گیا۔

اعداد و شمار کے مطابق سات ماہ میں درآمدات میں بھی 6.95 فیصد اضافہ ریکارڈ کیا گیا، حجم 33 ارب ڈالر سے تجاوز کر گیا، رپورٹ کے مطابق جولائی تا جنوری تجارتی خسارے میں 2.84 فیصد اضافہ ہوا۔ تجارتی خسارے کا حجم 13 ارب 48 کروڑ ڈالر ریکارڈ کیا گیا۔

پاکستانی روپے کی قدر میں کمی، ڈالر مزید تگڑا ہو گیا

ادارہ شماریات کے مطابق دسمبر کے مقابلے میں جنوری 2025 میں برآمدات میں 0.31 فیصد اضافہ ریکارڈ کیا گیا، جنوری 2025 میں برآمدات کا حجم 2 ارب 92 کروڑ ڈالر رہا، جنوری 2024 کے مقابلے میں گزشتہ ماہ برآمدات میں 4.59 فیصد اضافہ ہوا۔

دسمبر کے مقابلے جنوری 2025 میں تجارتی خسارے میں 5.47 فیصد کمی آئی، جنوری میں تجارتی خسارہ کم ہو کر 2 ارب 31 کروڑ ڈالر رہ گیا، جنوری میں درآمدات میں 2.33 فیصد کمی، حجم 5 ارب 23 کروڑ ڈالر رہا، جنوری 2024 کے مقابلے گزشتہ ماہ تجارتی خسارہ 17.78 فیصد بڑھ گیا۔