17 فروری کو ضلع جامشورو میں تعطیل کا اعلان

ضلع جامشورومیں 17 فروری کے دن عام تعطیل کا اعلان کر دیا گیا۔

تفصیلات کے مطابق ڈپٹی کمشنر جامشورو نے حضرت لعل شہباز قلندر کے عرس کے موقع پر 17 فروری بروز سوموار عام تعطیل کا اعلان کر دیا۔ حضرت لعل شہباز قلندر کے عرس کی تقریبات انتہائی عقیدت اور جوش و خروش کیساتھ شروع ہورہی ہیں۔

مزید پڑھیں: تحریک انصاف کا شیر افضل مروت کو پارٹی سے نکالنے کا فیصلہ

ڈپٹی کمشنر جامشورو کی جانب سے 17فروری بروز سوموار ضلع بھر میں عام تعطیل کا باضابطہ اعلان کیا گیا۔ نوٹیفکیشن کے مطابق سیہون میں تمام سرکاری دفاتر، تعلیمی ادارے اور پبلک سیکٹر کی تنظیمیں عقیدت مندوں کی سہولت اور عرس کے پرامن انتظامات کو یقینی بنانے کیلئے بند رہیں گی۔

حکام کی جانب سے زائرین کی بڑی تعداد میں آمد کو ایڈجسٹ کرنے کیلئے حفاظتی اور لاجسٹک انتظامات کو بھی تیز کرنے کا فیصلہ کیا گیا ہے۔ پُرامن اور منظم تقریب کو یقینی بنانے کیلئے خصوصی اقدامات بشمول میڈیکل کیمپس، ٹریفک منیجمنٹ اور سیکیورٹی میں بھی اضافہ کیا جارہا ہے۔